حسن بئی نبی بئی اووا، و مَهرَه لی بئی یه

حسن بئی نبی بئی اووا، و مَهرَه لی بئی یه

گلدی نوروز، یئنه موسم عشرت گؤرونور،
معتدل اولدو هاوا، اؤزگه لطافتی گؤرونور.
ابر آزار سالیب دؤوره هما تک سایه،
آچیلیر ملک جاهاندا یئنه دولت گؤرونور،
دؤنه جک چونکی بهشته لب جو و لب کشت،
باغ لر اهل تماشالره جنّت گؤرونور.
گول آچار بولبول شیدایه نقابین اوزدن،
بولبول و خان وصاله یئنه دعوت گؤرونور.
ساقیا، بیر بئله موسمده گرک بادۀ ناب،
اولماسا باده، من زاره اذیت گؤرونور.
قوی بیزه لعن اوخوسون واعظ شهر، ای ساقی،
دئمه نیک لعنتی، بیزدن اونا رحمت گؤرونور.
نه بیزیم رحمتیمیزدن اونا بیر ذره ثواب،
نه او لعنت ائده، اوندان بیزه رحمت گؤرونور.
دوغرو سؤز، یوز ائده لعنت، گتیر، ای ساقی، شراب،
راه ریحانی ایله روحوما راحت گؤرونور.
خاصه کیم، گؤندریب، ای ساقی، حسن بئی انعام،
یئنه آثار سخا، لطف عنایت گؤرونور.
ائتمه‌دی گور کی، عنایتده فراموش منی،
باکی دان خطۀ شیروانه عنایت گؤرونور.
دارخانمده سماوار، دخی چاییم، قندیم،
گئجه‌لر خانۀ دولتده ضیافت گؤرونور.
گؤندریب مهره لی بئی، مهره گلیب، چای ایله قند،
یئنه اؤز عبدینه آثار شفقّت گؤرونور.
چای اوتاغیمدا یئنه چای کیمی جاری اولوب،
کاسه‌لر ایچره یئنه شیره و شربت گؤرونور.
بو ایکی بحر سخا، سرور آلیشاندان
سیّد بی سر و سامانه عنایت گؤرونور.
ایندی بیر قدر گرک دیر کی، اولا سؤزده نمک،
طبع شاعرده یئنه میل زرافت گؤرونور.
شکرلله کی، پولوم وار شراب آلماق اوچون،
گؤزومه نور گلیب، خاطره بهجت گؤرونور.
عید نوروزدا، ای کاش، اولایدیم باکیدا،
چونکی بزم عرفا ایچره نزاکت گؤرونور.
چالیب اول بزمده دونبیینی آمبارسون بئی،
اویناییب مهره لی بئی، اؤزگه بشاشت گؤرونور.
اویناسایدیم نه اولور من ده اونون دونبیینه،
ریندلر رقصه گلیب تورفه قیامت گؤرونور.
سیّدا، مختصر ائت، ائیله‌مه تتویل کلام،
یئنه شعرینده سنین اؤزگه کنایت گؤرونور.