محمد صفایا جاواب

محمد صفایا جاواب

یئتیشدی دون منه مکتوبون، ای صفا کانی،
گتیردی نطقه او دم بولبول خوش الحانی.
دئدیم، ایلاهی، هزاران شوکر کیم، سیّد،
سالیبدی یاده بو گون روقه ایله جانانی.
اوخوندو صدق ایله نامه ن، بیلیندی مضمونو،
هم اوندا بیلدیک او دم اول نکاح پنهانی.
سنی شکسته دخی اولما گل پریشانیم،
بو خسته نی سنه چاکر وئریبدو ربانی.
دیار کعبه یه هم عزم ائدیب، صفایه گئدیب،
قبول اولمادی، نئیلیم، کسم او قربانی.
یئنه ثنالر ائله اول جوانه کیم، سیّد،
یئتیشدی خطۀ شیروانه گئتدی حمرانی.