سید عظیم شیروانی

سید عظیم شیروانی
١٣-جو عصرین آذربایجان شعرینین ان قدرت لی نماینده سی سید عظیم شیروانیدیر. او، ١٢١۴-جی ایلده شاماخیدا روحانی عائله سینده دوغولموشدور. یئددی یاشیندا آتاسینی ایتیردیگیندن آناسینین و باباسینین حمایه سینده قالمیشدیر. ایلک ساواد تعلیمینی باباسیندان آلمیش، سونرا یاخین شرقین باغداد، شام، قاهیره کیمی معدنی مرکزلرینه گئده رک تحصیلینی تکملیلشدیرمیشدیر. شاماخییا قایتدیقدان سونرا یئنی اصوللا مکتب آچمیش، معلم لیک ائتمیشدیر. شاعر ١٢۶٧-جی ایلده اؤلموش و شاماخیدا شاخندان قبرستانلیغیندا دفن اولونموشدور.
بدیعی یارادیجیلیغا ١٣-جو عصرین ٣٠-جو ایللرینده باشلایان سید عظیمین زنگین ادبی ارثی قالمیشدیر. بو ارثین بؤیوک بیر قیسمینی دیلنواز شعرلر تشکیل ائدیر. شاعرانه گؤزه ل لیگی ایله اورکلری فتح ائدن همین اثرلر دفعه لرله تبریزده و باکیدا نشر اولونموش، بعضی لری روس دلینه ترجومه ائدیله رک خارجی اؤلکه لرده یاییلمیش دیر. بو کتاب داکی شعرلر شاعرین اوچ جیلدلیک «اثرلری»-نین بیرینجی جیلدیندن (١٣۴۶) و «داهی لرین گؤز یاشی» (١٣۶٩) کتابیندان گؤتورولموشدور.