یاردان وئرسه خبر واضعه او باد سحر

بیزه همصحبت اولان اؤزگه کتاب آلماز اله،
سنده زاهدلیگین اول دفترینی توللا سئله.
من یارین خسته سییم، عشقدن اؤزگه دئمه سؤز،
منی دلداریمین عشقی بئله جه سالدی چؤله.
او زاماندان کی، منیم قلبیمه یول تاپدی او یار،
اونودا بیلمه ییرم من اونو بیر آن دا بئله.
بو فلک کیم، سنه اولدوزلا بزنمیش گؤرونور،
بلکه عاشیق دیر اودا سرّینی فاش ائتمز هله؟
ایندی گول فصلیدی، چؤللرده تاماشا دمیدیر،
چیخ چمن سئیرینه، مئی مجلسی قور، شادلیق ائله.
یاردان وئرسه خبر واضعه او باد سحر،
قبرده اولسا اگر بیل کی، گلر بیرده دیله