نه یاخشی سؤیله‌میش قؤوسی، «واحد» پاک گؤوهر کیم

نه شیرین دیر سؤزون کیم، تانری اوندان گؤز-قولاغ اولسون،
نه یاخشی گؤزلرین وار کیم، یامان گؤزدن ایراغ اولسون.
چکیب بیر ساغر گولگون آیاق گولزاره قوی ساقی –
کی، گول لر آب رویین دن قیزارسین، لاله، داغ اولسون.
آیاغیمدان الیم فرق ائتمه نم ازبس کی، مستم من،
فغان کیم بؤیله منزیلده گرک رهرو اویاغ اولسون.
گؤزو کؤنلوم منیم ساقی، سنه لاییق دئییل، اما،
اگر مئی فرد اوّل دیر، نه غم ساغر جناغ اولسون.
اومید التفات یار ایله کسمز دیلین عاشیق –
کی، سئیل افغان ائدر هرچندی کی، داغلار دایاغ اولسون.
تفاوت ائیله مز سنسیز منه ای سرو سنگین دیل،
مکانیم خواهی کولخن، خواه صحرا، خواه باغ اولسون.
وصالین گؤر ندیر بیر یئدره کیم، ای آتشین جؤولان،
خیالین صوبح خورشید و شب هیجران چیراغ اولسون.
گؤزه نقصان یئتیشمز، خابی دن بیدار ایسه کؤنلون،
رعیت یاتسا عیب اولماز، اگر سلطان اویاغ اولسون.
نه یاخشی سؤیله‌میش قؤوسی، «واحد» پاک گؤوهر کیم:
«منی یاندیردی بیر آتش کی، دوشمندن ایراغ اولسون».