باش قویدوم آیاغینا کی، ساقی، بئله دوشدوم

من مست ایدیم، اول مستله آخیر بئله دوشدوم،
قیل فیکریمی ساقی کی، یامان موشکوله دوشدوم.
پروانه و بولبول کیمی بیتاب دئگیلدیم،
بیلمن نچین اوددان-اودا، دیلدن-دیله دوشدوم.
قودسی لریله عالم اقدسده گزرکن،
یارب، نئیله‌میشدیم کی، بو آب و گیله دوشدوم.
ناجنس لرین صحبتینی مندن ائشیت کیم،
من بیر نئچه گون، بیر نئچه هوشیار ایله دوشدوم.
اول کویی دئدین ترک ائله ییم ترک سر ائتدیم،
چون اؤز گوجوم ایله بئله دوردوم، بئله دوشدوم.
مجنون اولوب اول لعلی عالم طلبینده،
ائودن-ائوه، چؤلدن-چؤله، ائلدن-ائله دوشدوم.
سوردو کی، منیم دردیمه قؤوسی نئجه دوشدون،
باش قویدوم آیاغینا کی، ساقی، بئله دوشدوم.