صیاده صید قدرینی وحشت بیلیندیریر

یوخدور ثباتی فصل گولون ای هزار، حیف!
بیر گؤز یوموب آچینجا کئچر نوباهار، حیف!
دوشدوم گئده-گئده ایکی عالم بلالره،
بیر قاتلا اول بلا منه اولماز دوچار، حیف!
من دخی بیر گول اولساایدی تر زبان ایدیم،
اول نوباهار اونوتدو منی، ای هزار، حیف.
بولبول کیمی منیم دخی چوخ وار سؤزلریم،
لال اولدو غنچه تک دیلیم، ای گولعذار، حیف.
دؤور زامان اگرچی شررباردیر بو ایل،
بیدرددیر دئین کی، کئچن روزیگار، حیف.
معراجه یئتدی گرچی سبک لوک، شکسته لیک،
اولمادیم اؤز مرادیم ایله خاکیسار، حیف.
هئچ کیمسه درد قدرینی بیلمز منیم کیمی،
قدریمی بیلمه‌دین حیف، ای روزیگار، حیف.
صیاده صید قدرینی وحشت بیلیندیریر،
قؤوسی، من اول کمنده تئز اولدوم شیکار، حیف.