سن ناله و آه ائت کی، اثر بی اثر اولماز

یان عشقیله کیم، عشقده نقص و ضرر اولماز،
اول بحرده توفان اولور، آمما خطر اولماز.
دیدارینا ازبس کی، گؤزوم خسته جیگردیر،
دریالر ایله دامن مژگانی تر اولماز.
پروا ائدرم تیغ ایله گر باشیما دوشسه،
هرچند کی، عاشیقده دیل اولماز، جیگر اولماز.
شبنم نولا گر گوللره اقبال ائده سنسیز،
هر دیدۀ تر صاحبی صاحب نظر اولماز.
گر میل کباب ائتسه گؤزوم نرگس مستین،
کیم دیر کی، اود اولماز، نمک اولماز، جیگر اولماز.
هرچند قولاق توتمایا کیمسه سنه ای نئی،
سن ناله و آه ائت کی، اثر بی اثر اولماز.
قؤوسی نه گئدیرسن سر کؤیینده اؤزوندن،
عاشیقده سر سیر و هوای سفر اولماز.