نولا کی، لب لعلینه جانین وئره قؤوسی

هرچند غم عشقی نهان ائیله مک اولماز،
فریاد کی، فریاد و فغان ائیله مک اولماز.
تلخ ائیله ریدیم گؤز یاشی ایله مئی نابی،
احبابه بو قان اولموشو قان ائیله مک اولماز.
هرچند ائدر گؤز-گؤره رسوا منی آغزین،
هئچ نسته بو مهجوبه گومان ائیله مک اولماز.
اول ناوکی، ای سینۀ سوزانیم اریتدین،
یاخشیلارا بیدرد یامان ائیله مک اولماز.
تا اولمایا سو، نقد دیل و جانی محقر،
اول سروین آیاغینا روان ائیله مک اولماز.
نولا کی، لب لعلینه جانین وئره قؤوسی،
جان ترکینی، ای جان جاهان ائیله مک اولماز.