اول چشم سیاه مستی گؤرن کیمسه بیلیر کیم

عالمده بو گون عاشیق خونین جیگر آزدیر –
کیم، خون جیگر قدری بیلن سیمیبر آزدیر.
چوخدور هوس اربابی، ولی عاشیق صادق،
آزدیر، نئجه کیم، نغمۀ تر چوخ، اثر آزدیر.
ای سینه وئرن قولزوم خونخوارینه عشقین،
غور ائت کی، بو دریادا صدف چوخ، گؤهر آزدیر.
اول کؤی سوراغیندا وئریر خولد نشانین،
واعظ ده، سؤزون دوغروسو، دوغرو خبر آزدیر.
مندن دیله هرگاه کباب ایسته سه کؤنلون،
هرچند بو بی تابیده، ساقی، جیگر آزدیر.
گر اولسا سؤزو مهر و وفانین اؤزو اولماز،
دونیا دولودور لاف ایله، آمما هنر آزدیر.
نئی دخی حزین ناله ایله باغریمی دوغرار،
گویا دیل بیمار وئرن درد سر آزدیر.
اندیشۀ توفان چوخ اولور بهرده اما،
سن لنگر تسلیم اله آلسان، خطر آزدیر.
اول چشم سیاه مستی گؤرن کیمسه بیلیر کیم،
قؤوسی کیمی صاحب دیل و بالیغ نظر آزدیر.