اگرچی بولبولم، آمما باهار اوچون قؤوسی

فغان کی، سؤز دئمه یه دوغرو سؤزلو یار آزدیر،
شب سیاه چوخ و شمع شام تار آزدیر.
بو غم کی، وار منیم جان ناتوانیمده،
تامامی خلق منه اولسا غمگسار آزدیر.
گیریز چاغی سپاه بلا و محنت دن،
اومید باغلامالی، آرخالی حاصار آزدیر.
حضور قدری بیلن عندلیب دن سور کیم،
خزان بیر-ایکی نَفَس چوخ، یوز ایل باهار آزدیر.
بولونسا یار وفادار قویمانام اَتَگین،
الیم دیلیم کیمی کوتاهی دیر کی، یار آزدیر.
وفاو مهرده هرچند امتیازین وار،
هنوز اول کی، گرک یوخدور، اول کی، وار آزدیر.
بو آرزولار ایله کیم احاطه ائتدی منی،
مین ایل مورادیم ایله دؤنسه روزگار آزدیر.
اگر شراب وئریرسن آیاغا دور، ساقی –
کی، ناگوار چوخو آب خوشگوار آزدیر.
اگرچی بولبولم، آمما باهار اوچون قؤوسی،
گؤزومده حسرت و گؤنلومده خار-خار آزدیر.