نسیم صوبح دن هر گون سر کویین سورار قؤوسی

اگر مین داغ یاندیرسام کؤنول بیر آیری داغ ایستر،
گدا گر سربسر عالم چراغان دیر، چراغ ایستر.
گؤزوم گؤرمز حیادان، وصل اوچون آمما کؤنول تیترر،
بلادیر بؤیله سرخوش کیم، الی توتماز، آیاغ ایستر.
محبت اولسا، تکلیف و تواضع اولماز، اولماسین،
اوزوندن بللی دیر هر میزبانین کیم قوناق ایستر.
منه گولکشت تکلیفین ائلرلر، درد بیلمزلر،
نه بیلسین لر بونو کیم، نکهت گول هم دماغ ایستر.
منی دیوانه یه عشق ایچره هر بیدردی بنزتمین –
کی، مجنون وسعت صحرا سورار، فرهاد داغ ایستر.
شب هیجران قارا دیر اختر بختیم کیمی، اما،
خیالین پرتؤوون دن مهر و مه مندن چراغ ایستر.
گؤزو صورت گؤرن، منی دن آگاه اولمایان غافل،
اگر وصل ایسته سه، بیر کوره بنزر کیمی، چراغ ایستر.
نسیم صوبح دن هر گون سر کویین سورار قؤوسی،
سو غافل اؤز ائوینین هم یولون بیلمز، سوراغ ایستر.