پروانه لره شمع شبستان اولاجاقدیر

بو رنگ منیم باغریم اگر کان اولاجاقدیر،
عالم قامو بیر قطعه گولوستان اولاجاقدیر.
ای شاخ گول اول قامت موزون هوسیندن،
چوخ سرو بو گولشنده خرامان اولاجاقدیر.
گؤز یاشینا اوز وئرمیشم، آمما بیلیرم کیم،
اول سیل ایله کؤنلوم ائوی ویران اولاجاقدیر.
سن اوخلارین ای ناله ییغیب ساخلا کی، بیر گون،
سینه م هدف ناوک مژگان اولاجاقدیر.
اؤلمم دخی، ای نقد حیاتیم، اؤلور اولسام –
کیم، روح روانیم سنه قوربان اولاجاقدیر.
صرف ائتدی جیر قانینی اسراف ایله چشمیم،
بیلمز کی، بوگون-دانلا پریشان اولاجاقدیر.
از بس کی، باهار آیینی ساقی گؤزوم ایستر،
اول گون لر اولونجا جیریم قان اولاجاقدیر.
یوز صیغه اییله توبه وئریر اؤزگه یه زاهید،
اما اؤزو مین قاتلا پشیمان اولاجاقدیر.
هیجران گئجه سی گلدی کی، هر قطرۀ اشکیم،
پروانه لره شمع شبستان اولاجاقدیر.
قؤوسینی اونوتما کی، سنین قاشین اوجوندان،
هر مصرعی بیر متله دیوان اولاجاقدیر.