گرچی کؤنلوم سینه ده بیر قطره قان، آرتیق دئییل

داشه سالماق رخنه‌لر اول نؤوک مژگان دان گلیر،
یوز قیلینج دان گلمز اونلار کیم، بو پیکان دان گلیر.
وئر خبر کؤنلوم دن، ای مطرب نشانین وار ایسه –
کیم، گلیر بیر ناله، آمما بیلمنم قان دان گلیر.
سالا بیلمزسن تزلزول عالمه، ای سرو سن،
گر بو ایشلر گلسه اول سرو خورامان دان گلیر.
یاندیریر اول شعلۀ روخسار هیجران دان بئتر،
درددن گلمز منه اونلار کی، درمان دان گلیر.
سن مئی گولرنگ توت ساقی، دولانیم باشینا،
هر قدر کیم، جام پرخون دؤوری دؤوران دان گلیر.
خار توتما، گؤوهر اشکیم گؤتور تورپاق دان –
کیم، اونون هر قطره سی دریای عمان دان گلیر.
گرچی کؤنلوم سینه ده بیر قطره قان، آرتیق دئییل،
متصل سیلابلار قؤوسی، بو ویران دان گلیر.