غنیمت دیر کیمین کیم، دیدۀ معنی سی رؤوشن دیر

اونونچون من سنه یالوارمانام کیم، یالواران چوخدور،
منیم کؤنلوم آلان یوخدور، سنه کؤنلون وئرن چوخدور.
منی دلخسته نین هم صدقه سی چوخ، سورگیلن حالین،
سنینچین نرگس بیمارین احوالین سوران چوخدور.
دیل صدپاره می سن آلگیلن، ای ناموسلمان کیم،
بوگون اول لالۀ صدبرگی دؤرد یاندان درن چوخدور.
گؤزوم نقصان ناز اولماز، سوال ائت حال زاریم کیم،
منیم دردیم بیلن یوخدور، سنه گر بیلدیرن چوخدور.
قاچان فرصت وئریر ناز تغافول درد هیجرانه،
بلی احیا وئرن آزدیر و گؤر نه اؤلدورن چوخدور.
اوزاقدیر یول، گرک دیر لنگ و لنگان باشا آپارماق،
و گر نه اؤز سمندین بیر هاوور یورتوب-یوران چوخدور.
غنیمت دیر کیمین کیم، دیدۀ معنی سی رؤوشن دیر،
و گر نه چشم صورت بین ایله قؤوسی گؤرن چوخدور.