کی، منه متصل اول کعبه مقابل گؤرونور

گرچی هر عاشیقه هیجران قاتی موشکول گؤرونور،
منه بیر لحظه فراقین نئچه مین ایل گؤرونور.
من دوشن وادی یه باسمان قدم ای عاشیق لر –
کی، بو چؤللرده نه مجنون و نه محمیل گؤرونور.
شیرلر پنجه سالیر وادیی خونخوارینده،
عشق اگر بی جیر و بی خود و بی دیل گؤرونور.
جزبۀ عاشیقه اغیار اولا بیلمز مانع،
خار و خس آتش سوزانه نه هاییل گؤرونور؟
ساوورار کوللری اؤز باشینا پروانه اوچون،
شمع ظاهرده اگر سرکش و غافل گؤرونور.
اؤزگه طاعت لره اوخشاتما منیم طاعتیمی –
کی، منه متصل اول کعبه مقابل گؤرونور.
وصل بزمینده کی، اغیار اولا انگل قؤوسی،
هر ایلی بیر دم و، هر ساعتی بیر ایل گؤرونور.