هر کیمین گردون دون پرور اوجاغین یاندیریر

غنچۀ گول تا گولوستانین چیراغین یاندیریر،
عندلیبین پردۀ چشمینده یاغین یاندیریر.
یانارام آه ائتمه سم، گر آه چکسم، آه کیم،
بولبول بیچاره نین باغ و بوداغین یاندیریر.
ائیله‌میشدیر شام هیجران سینه می ظلمت سرا،
بو سبددن اوندا جانان شمع داغین یاندیریر.
عشق اهلی عاشیق ایستر جملۀ احبابینی –
کیم، سمندر میزبان اولسا قوناغین یاندیریر.
گرم دیر ازبس نگاهیم یاندیریر گؤز پرده سین،
به نه صهبا دیر بو صهبا کیم، ایاغین یاندیریر.
یاندیریر اول آتش ایله خانیمانین عاقبت،
هر کیمین گردون دون پرور اوجاغین یاندیریر.
اول گول ایچون باغبان نازین چکر هر خاردن،
نکهت گول گرچی قؤوسی نین دماغین یاندیریر.