گلیر ساغ و سولوندا حوری وش لر اول مَلَک، قؤوسی

نه سرکش شعله دیر بو وه، بو نه قد و نه قامت دیر.
قیامت لر قیامیندن قیام ائتمیش قیامت دیر.
نه کاکیل دیر کی، عنبرسیز اولوب باد صبا اوندان،
جاهان هم اول صبا فیض ایله رشک باغ جنّت دیر.
فلکده اؤیله اوزموش مهر و ماهین رونقین حوسنون –
کی، اولدوزلار بو اوزدن هر بیری بیر چشم حیرت دیر.
گؤز و قاشین اگر اسلام و کفری ائتمه‌میش یکسان،
بو نه میخانه دیر، بس اول نه محراب امامت دیر.
نه رنگ آمیزدیر یارب، باهار خط سبزین کیم،
گولوستانلار اونون دؤورونده رنگ آمیز خجلت دیر.
کلام معجزاً جام لب شیرین کلامیندن،
دولودور شورایله دونیا و لبریز حلاوت دیر.
بیلیبدیر تا جمالین معنی سین، ای سبزۀ گولگون،
نه صورت کی، مصویر نقش ائدر مشق خجالت دیر.
چمن دن پرتؤوو روخسار ایله یارب، سن اؤتدون کیم،
گول و شبنم، به عینه، چشم حیرت، اشک حسرت دیر.
گلیر ساغ و سولوندا حوری وش لر اول مَلَک، قؤوسی،
نه اؤلموشسن، دور ای بیدرد، گؤر کیم نه قیامت دیر.