ایچمیش سنین شرابین

کؤنلومده کی مرادیم،
ای یار، سن بیلیرسن،
هر دیل کی، بیلمنم من،
دیلدار، سن بیلیرسن.

هرچند کی، بیزبانم،
لبریز ال آمانم،
من مست جاویدانم،
هوشیار، سن بیلیرسن.

من سانما مئی پرستم،
ساقیدن اؤترو مستم،
من بیر بینای پستم،
معمار، سن بیلیرسن.

غمزه ن آتاندا بیر اوخ،
قاشین یایین چکر چوخ،
کؤنلومده تاب گر یوخ،
گر وار، سن بیلیرسن.

گلمز فغان الیمدن،
عذر ایسته قاتیلیمدن،
اوتا منیم دیلیمدن
یالوار، سن بیلیرسن.

گر کؤنلومو آلیرسان،
گر یوز چین اؤلدورورسن،
دیلدار، سن بیلیرسن،
غمخار، سن بیلیرسن.

قؤوسی سنین خرابین،
ایچمیش سنین شرابین،
اولموش سنین کابابین
خونخوار، سن بیلیرسن.