منو
انتظارین چکدیم و گؤردوم کی، گلمک چاغی دیر
دانۀ لب تشنه یم، ای ابر گوهربار هئی!
آشیانسیز بولبولم، ای شمع گولروخسار ری!
یوز غم و درد و بلا پامالییام غمخوار هئی!
جانه یئتدیم پیچ و تاب و عشقدن، ای یار هئی!
گئتدیم الدن، ای دولانیم باشینا دیلدار هئی!
اهل دیل کیم، چشم تردن قان قاتارلار آشیما،
اشکیمه سئیلاب خون و پول دئمیشلر قاشیما.
سن کی، شمع بزم تک رحم ائیله‌ییب گؤز یاشیما،
اول قد رعنا ایله هر گاه گلدین باشیما:
گئتدیم الدن، ای دولانیم باشینا دیلدار هئی!
باشیمی تا شمع تک سئودا اودویلا داغلادیم،
گاهی بی تقریب گولدوم، گاهی بیجا آغلادیم،
هر نه توتدوم دستیمه دامان فرصت چاغلادیم،
تا کی، دوردوم قوللوغوندا ال-ال اوسته باغلادیم،
گئتدیم الدن، ای دولانیم باشینا دیلدار هئی!
ای خوش اول ساعت کی، شمع بزمیم اول روخسار ایدی،
بولبول و پروانه دن مجلیس دولو اغیار ایدی.
اول نفس کیم، گوشۀ چشمین منیمله یار ایدی،
سن الیم توتدون ولی، من تا آیاغیم وار ایدی،
گئتدیم الدن، ای دولانیم باشینا دیلدار هئی!
خسته دیر قؤوسی طبیبیم، درد بیلمک چاغی دیر،
چاره قیلماق، کام وئرمک، کؤنلون آلماق چاغی دیر،
چونکی گلمک، چشم ائیوانیندا قالماق چاغی دیر،
انتظارین چکدیم و گؤردوم کی، گلمک چاغی دیر،
گئتدیم الدن، ای دولانیم باشینا دیلدار هئی!