دئرلر کی، یاووق دور اول اون دؤرد گئجه لیک آی

زاهید، دولو جامیم دکی لبریز صفا دیر،
دورد مئی گولرنگ دئییل، آب بقا دیر،
تسبیحیمی، زوناریمی گیزلتمرم ائلدن -
کیم، ترک ریا عالم منیده ریا دیر،
شبنم کیمی بیر گون گؤزون آچ، گؤر بو چمنده.
عؤمر ائیله کئچر کیم، ساناسان باد صبا دیر،
عرض ائتدی طبیب دیل بیماره مکرر،
احوالیمی ساقیه دئدی: باده دوا دیر.
گولشنده کی، هر لاله دولو ساغره بنزر،
کافر، نئجه مخمور گزیم، گؤر نه هوا دیر!
هرچند شب جمعه گرک طاعته مخصوص،
هرچند کی، آدینا گونو روز دعا دیر:
هئی، هئی دولانیم باشینا ای ساقیی یاغی،
اؤز باشین اوچون قویمایا گؤر الدن ایاغی!

ساقی کی، یئگین قدّ و رسا قامتی واردیر،
اول قامت رعنایه گؤره همتی واردیر.
هرچند لبین هر کیمی اؤلدورسه دیریل دیر،
اؤلدورمه یه عشاقی عجب رغبتی واردیر.
اشکیم گؤهرین باده کیمی تؤکمه آیاغه،
ای ظالم اونون قدرینی بیل، قیمتی واردیر.
هر بی ته و بیدرد کؤنول قدرینی بیلمز،
آل ساخلا بو یاقوتی کی، خاصیتی واردیر.
سینه مده کؤنول بادۀ گولرنگ اوچون اوینار،
قان ایچمه یه هرچند اونون عادتی واردیر؛
هرچند دئییرلر رمضان آیی یاووق دور،
هرچند کی، ماه رجبین حؤرمتی واردیر:
هئی، هئی دولانیم باشینا ای ساقیی یاغی،
اؤز باشین اوچون قویمایا گؤر الدن ایاغی!

ازبس کی، بو مهفیلده فغان ائیله‌دی مطرب،
آیینه میزی آب روان ائیله‌دی مطرب.
بزم اهلینی یاندیردی، سیزیلداتدی قاووردو،
یاخشی اوخودو، لئیک یامان ائیله‌دی مطرب.
عؤمر ائتسین و پیر اولسون و تاپسین مزۀ عؤمر -
کیم، پیرلری واری جاوان ائیله‌دی مطرب،
بیر رنگ تمام ائتدی سمایی روانی -
کیم، جیسمیمیزی روح روان ائیله‌دی مطرب،
من هم ائله آهنگ ایله فریاد ائله‌دیم کی،
یاوینقیدی، یالواردی آمان ائیله‌دی مطرب،
چون ناله ایله باغریمی قان ائیله‌دی مطرب.
چون نغمۀ تر ائتدی وجودوم بیر آووج سو،
هئی، هئی دولانیم باشینا ای ساقیی یاغی،
اؤز باشین اوچون قویمایا گؤر الدن ایاغی!

تا کؤنلومو آسان آپاریب موشگوله سالدین،
دیلدن منی سالدین، منی دیلدن-دیله سالدین،
ساقی دولو مینانی، من خانه خرابی،
نیرنگیله سیندیردین، آیاقدان بئله سالدین.
اَیلَنمیشکن روضۀ رضوان آراسیندا،
یارب، ندن اؤترو منی آب و گیله سالدین.
یوز حلقه ائدیب زولفو پریشانینی چین-چین،
هر حلقه ایله بوینوما بیر سیلسیله سالدین.
اول باده نی کیم، عقلیمی باشدان آپاریب دیر،
سوندون منه، من ساده دیلی ایشگیله سالدین.
هرچند تونوک هحؤوصله یم بزم بلاده،
هرچند آیاقدان منی بیر جام ایله سالدین:
هئی، هئی دولانیم باشینا ای ساقیی یاغی،
اؤز باشین اوچون قویمایا گؤر الدن ایاغی!

اول باغدا کیم، ائیله‌دی میرزه اونو ظاهر،
میرزه کی، اونون حق لقبین ائیله‌دی طاهیر.
اول باغیده کیم، آیینۀی دور نوما دیر،
فردوس اونونلا اولا رفعتده نه قادیر؟
تصویر ائده بیلمز اونو یوز رنگیله مانی،
تقلید ائده بیلمز اونو نیرنگ ایله ساهیر.
هئچ فرقی اونون روضۀ ریضوانیده یوخدور.
اول جنّت قایبدیر و بو جنّت حاضر.
دونیاده بو رفعتده مقام کیم ائشیدیب دیر -
کیم، عالم منظور اولا و عالمه ناظر.
بیر وختده کیم، ابر باهار اولا گؤهربار،
اول باغیده کیم، باده چکر مؤمونو کافیر:
هئی، هئی دولانیم باشینا ای ساقیی یاغی،
اؤز باشین اوچون قویمایا گؤر الدن ایاغی!

اول باغیده کیم، ائیله‌دی «تبریز»-ی گولوستان،
اول باغ کی، بیر گوشه سی دیر روضۀ رضوان،
بیر حدی «سهند» اولموش، او بیر حدی «اورومی»،
ایکی یانی «سورخاب» دیر اول کوه بدخشان.
فواره‌لری چشمۀی خورشیده تؤکر سو،
دریاچه‌لری رشکیله دریایه وئریر قان.
مینای و مئی و لاله و خاشخاش و شقاییق،
بیر رنگ بولار ائتدی لر اول باغی چیراغبان -
کیم، پرتؤو خورشید کیمی باغ فروغی،
ائتدی فلیین ثابت و سیّارینی پونهان.
اول باغیده کیم، گؤل لر اولار بحر گؤهرخیز،
بیر وقتده کیم، ابر باهار اولا دور افشان:
هئی، هئی دولانیم باشینا ای ساقیی یاغی،
اؤز باشین اوچون قویمایا گؤر الدن ایاغی!

اول باغیده کیم، قله سی افلاکه چکیب سر،
اول قله ده کیم، دار سپهر ایله برابر،
جؤوش گولو نرگیس و ریحان و قره نفیل،
دونیا اوزونو ائیله‌دی رنگین و معطر.
په-په نه گؤزل سرو لری وار بو باغین -
کیم، فاخته سی کرکس گردون ایله اوینار.
گول بوته‌لری دیلکش و ار-ارلری مؤوزون،
جنّت یولودور چار خیابانی سراسر،
آخیر نئجه هوشیار اوتوروم من بو چمنده -
کیم، غنچه سی مینا کیمی دیر، لاله سی ساغر.
اول قله ده کیم، باغ کنارینا دوشوب دور،
دؤرد جانیبی بی شوبهه سکّیز جنّته بنزر:
هئی، هئی دولانیم باشینا ای ساقیی یاغی،
اؤز باشین اوچون قویمایا گؤر الدن ایاغی!

مطرب، بئله گولزار طربخانه گرک دیر،
مئی نوش ائله کیم، نالۀ مستانه گرک دیر.
هم معبدی، هم مئیکه ده سی وار بو باغین -
کیم، اؤزگه یه مسجید، بیزه مئیخانه گرک دیر.
هر غنچه بو گولزاریده بیر لعلی یه بنزر،
هر کیمسه کی، مجنون اولا، دیوانه گرک دیر.
بو آب هاوادان کی، وئریر عاشیقه احیا،
وار جانیمیز، آمما بیزه جانانه گرک دیر.
اول باغیده کیم، سینه می صدچاک ائلردیم،
سونبوللرینین کاکیلینه شانه گرک دیر.
او باغیده کیم، بولبول پروانه گرک دیر:
هئی، هئی دولانیم باشینا ای ساقیی یاغی،
اؤز باشین اوچون قویمایا گؤر الدن ایاغی!

هیجران سیتمی باغریمی قان ائیله دی، ای وای،
ای دیلبر هرجایی و خونخوار، مدد های!
قؤوسی نئجه دورسون خم ابرولره قارشی،
اول بازی و پور زوریله نه ائتسین بو سینیق یای.
ازبس کی، اریندیم لب لعلین هوسیندن،
دریای موحیط اولدو گؤزوم، دیده لریم چای،
مینا کیمی نولور بو سینیق کؤنلومو آلسان،
بیر ساغر لبریزیله، ای کافر خودرأی،
هر باغیده کیم، باد باهار اولا سمنسای،
مئهمان لارا وار صاف سویون اؤزگه سفاسی،
دئرلر کی، یاووق دور اول اون دؤرد گئجه لیک آی:
هئی، هئی دولانیم باشینا ای ساقیی یاغی،
اؤز باشین اوچون قویمایا گؤر الدن ایاغی!