منو
ذاکیر، ره عشقینده دریغ ائیله‌مه جانی
سن اوندا ائله ذوق و صفا باغ آراسیندا،
من موندا یانوم پیلته کیمی یاغ آراسیندا.
پیکانلارینی سینۀ چاکیمده گؤرن دئر: -
بیر غنچۀ تردیر کی بیتیب باغ آراسیندا.
کؤنلوم قوشونو صید ائله‌دی غمزه و چشمین،
قورخوم بودو قانلار دوشه اورتاق آراسیندا.
۵٠
گئتمیشدی ساچی سئیرینه، دیل گلمه دی، بی شک،
گون اولدو شب تارده سیغناق آراسیندا.
اول گوشۀ ابرویده چشمینمیدی، یوخسا،
یاتیرمش ایکی ختن گئییکی تاغ آراسیندا؟
ناصح لر ائدیر منع منی مطرب و مئی دن،
افسوس کی، قالدیم نئچه سارساق آراسیندا.
ذاکیر، ره عشقینده دریغ ائیله‌مه جانی،
تا نام نیکویین قالا عشاق آراسیندا.