قاسم بی ذاکیر

قاسم بی ذاکیر
١٣-جو عصرین بیرینجی یاریسی آذربایجان شعرینده خصوصی یئر توتان قاسم بی ذاکیر ملی رئالیزمین ایلک گؤرکملی نماینده لریندن بیریدیر. او، فئودالیزم جمعیتینین عییبلرینی افشا ائدن، زحمتکش خالقا یاخینلاشیب اونو مدافعه ائدن بیر صنتعکار اولموشدور.
ذاکیر ١١۶٣-جو ایلده شوشا شهرینده وارلی بئی عائله سینده دوغولموش، عؤمرونون چوخونو قاراباغ حاکمی مهدی قولو خانین اونا باغیشلادیغی خیندیریستان کندینده کئچیرمیشدیر. شاعر خالقی استثمار ائدن یئرلی بئی لری، روحانی لری، چار مامورلارینی اثرلرینده دایم تنقید ائتدیگی اوچون اؤزونه چوخلو دشمن قازانمیشدیر. اونلار عداوت حسی ایله شاعری دولاشدیرماق، حبسه آلدیرماق اوچون تدبیرلر ائدیب، فرصت آختارمیش و نهایت، بهانه تاپمیشلار. اونلار ذاکیرین قارداشی اوغلو بهبودون قاچاقچیلیق ائتدیگی و رسمی اداره لرده گؤزدن دوشموش کوره کنی علی بئی فولادولا یاخیندان علاقه ساخلادیغی باره ده حکومته خبرچی لیک ائده رک شاعری عائله سیله بیرلیکده حبسه آلدیرمیشلار، ١٢٢٨-جی ایلده ذاکیر باکییا سورگون ائدیلمیشدیر. بیر نئچه آی حبس خانادا قالدیقدان سونرا یاخین دوستلارینین-م.ف.آخوندزاده، ی.قولقاشینلی، آخوند احمد سلیانی و باشقالارینین کمکی ایله حبسدن آزاد ائدیلمیش، یئنی دن شوشایا قاییداراق عؤمرونون آخرینا قدر پلیس نظارتی آلتیندا یاشامیشدیر. ١٢٣۶-جی ایلده شوشادا وفات ائتمیش و اوراداکی میرزه حسن قبریستانلیغیندا دفن اولونموشدور. شاعرین یارادیجیلیغیندان اؤرنکلر اونون ١٣۴٣-جو ایلده چاپ اولونموش «اثرلری»-ندن گؤتورولموشدور.