منو
ائل ادبیاتی
آذربایجان فولکلورو جمعی یارادیجیلیق محصولو اولان، مولّیفلری معلوم اولمایان ادبیاتدیر. قدیملیکدن، تاریخدن خبر وئرمکله یاناشی آذربایجان خالقی‌نین روحوندان سۆزولن مدنیتدیر. آذربایجان شیفاهی خالق ادبیاتی چوخ قدیم بیر تاریخه مالیک بدیعی سؤز خزینه‌‌سیدیر. خالقیمیزین مین ایللر عرضینده دۆزوب-قوشدوغو زنگین بدیعی نومونه‌لر، آتالار سؤزلری، تاپماجالار، لطیفه‌لر، افسانه‌لر، ناغیللار، داستانلار و س. آغیزدان-آغیزا کئچه‌رک عصرلر بویو یاشامیش، جیلالاناراق دؤوروموزه قدر گلیب چیخمیشدیر.