عادتیمیز داش ایدی دوا گۆنو
توللاریدیق الده ساپان قؽژهاقیژ.
هر کسه دیسیدی ائدردی هامان
بیر نئچه گۆن آهو فغان، اوفهاوف.
مرهم اولوردو، ساغالیردی یارا،
الده قالیردی یئنه جان ساپباساغ؛
ایندی رئوولوئردی، دؤنوم باشینا،
ناگه اولور گۆللهفشان پارتاپارت.
اوندا گؤرورسن یؽخیلیب یانبایان
بیر نئچه نؤورسته جاوان لایبالای.
تۆف بئله دؤورانه کی، بدتر اولور
سئیری-فلک، دؤوری-زامان ایلبیل!
ملّتی-ایسلام قؽریر بیر-بیرین،
الله آمان، بو نه یامان قؽرهاقیر!
قارداشا باخ قارداشینی اؤلدورور،
وحشی اولوب اهلی-جهان سربسر.
ملّتی گؤردوکجه بئله هرج و مرج
کؤنلوم اولور دوپدولو قان قاتباقات.
بؤیله گئدرسه باکی الدن گئدر،
قالماز او مأواده آمان هیچ، هیچ!
باری، خودایا، اؤزون اصلاح قؽل،
تا ائدلر پیرو جوان صلح، صلح!