آغلاسین!

ای اهل دیل، فنانی قویون باری آغلاسین!
اغیاره چونکی یار اولوب یاری، آغلاسین!

منع ائتمک عاشیقین نه روا آه و زاردن؟
چوخ دردی وار، قویون کی، سیزی تاری، آغلاسین!

گیزلین خیالی وار کی، بئله آه و زار ائده،
اؤز حالینه قویون بو دیل فکاری، آغلاسین!

بولبول نواسی بی سبب اولماز بو باغدا،
گؤردوکجه هر زامان گول ایله خاری، آغلاسین!

هیجران یار اولدو سبب آغلاماغینا،
یا رب، گؤروم همیشه سببکاری، آغلاسین!

وورسون الیله باشینا هر شام، تا سحر،
یاری غم ایچره اولمادی غمخوار، آغلاسین!

شام فراقده قالیبان زار و خسته دیل،
سالدیقجا یاده اول محو روخساری، آغلاسین!

سسلندی ناتوان کی، ارباب غم تامام،
حال فنایه جمع اولوب، ائلجاری، آغلاسین!