ای جوان سنسیز!

باهار ایامی دیر، آچیلدی گوللر، ای جوان سنسیز!
تعجب دیر، نه دن دیوانه اولماز ناتوان سنسیز؟

شمادت ائیله یر دشمن منه هر دم هر ساعت،
مرض آرتیر دمادم، واره – واره، هر زامان سنسیز.

نه اومیدیم وصاله، نه فراقه تاب و طاقت هم،
گؤزومده تیره و تار الدو، بیللاه، بو جاهان سنسیز.

سن ایلش حور ایله، ائیله همیشه عیش و عشرت کیم،
دمادم من چکیم، دیلدن ائدیم آه و فغان سنسیز.

یئتیشمز باشه، عباس، عمروم آخیر بیر تامام اولسون،
کئچر هر بیر دقیقه ایلدن آرتیق، الامان سنسیز.

بو گون عید شریف الدو، مگر سن بی خبرسن می؟
گومان ائمه کی، عشرت ایچره ایلنسین سنسیز.

گول روییندن آیری نئیلرم من گولسیتان سئیرین؟
ائدر بولبول کیمی ناله بو زار و ناتوان سنسیز.