قامتین گؤزدن

سریشکیم بیرله کیم، خالی دئییل دیر قامتین گؤزدن،
نه تئز دوشدو طراوتدن او سروین سو قیراغیندا.

نولایدی کور اولایدیم، گؤرمه یه یدیم گول کیمی جسمین،
قالیب دیر تیره خاک ایچره، مزارین گون قاباغیندا.

کؤنولده حسرتیم قالدی، هزاران حیف کیم، بیر دم،
سنی تا گؤرمه‌دیم خرم، اوغول، داماد اطاغیندا.

نه دن دیر انتظار ایله او شهلا گؤز باخار حئیران،
گؤزوم اول گؤزلره قوربان، باخار آهو سایاغیندا.

همیشه زار و دیل محزون، تؤکر گؤزدن سیرشک خون،
پریشان حال ایله دایم، غم و محنت بوجاغیندا.

غم هیجران ائدیب طوغیان، قالیب دیر ناتوان سوزان،
روان اشک بصر هر یان اولان گؤزلر بولاغیندا.