منو
آغلارام
هیجران ائدیبدی کؤنلومو برباد، آغلارام،
چوخلار توتار بو حالیما ایراد، آغلارام.
کؤنلوم ائوی خراب تر اولدو فراقدن،
وصلین بو مولکو ائتمه‌دی آباد، آغلارام.
دام فرقده کی، چوخ ایلحاح و لبه لر،
ائتدیم، نه سود، ائتمه‌دی آزاد، آغلارام.
نه هیجر یاره طاقت و حالیم وفا ائدر،
نه وصله چاتماز ال، ائدیبن داد، آغلارام.
چکدیکجه جؤور هجرینی کؤنلوم فرح تاپار،
شادام بو امره، بس نییه ناشاد، آغلارام.
کویینده محرم ائتدی رقیبی صفا ایله،
قهرایله ائتمه‌دی منی هم یاد، آغلارام.
هیجرینده خوشدور آغلاماق آه و فغان ایله،
سس وئرمه سه بو ناله و فریاد، آغلارام.
چون ناتوان زار ضعیفم فراقدان،
بو گونده یار ائتمه سه امداد، آغلارام.