منو
خوش لیقا، گئتمه!
فریشتۀ طلعطو مه روی خوش لیقا، گئتمه!
جمالی قلبیمه دایم وئرن ضیا، گئتمه!
مسیح تک، نفسی موردنی ائدن احیا،
دهنی ایچره اولان چشمۀ بقا، گئتمه!
اسیر دانه اولوب، دام زولفه دوشدی کؤنول،
او نؤوع سیلسیله دن کیم ائدر رها، گئتمه!
مریض عشق اولانا نئیله سین طبیب زامان؟
سوای شهد لبین یوخدو بیر دوا، گئتمه!
کمال شؤوقله قوی ائیله ییم خلیل آسا،
او خاک مقدمینه جانیمی فدا، گئتمه!
اگر فراقینی گؤرسم، گؤره ن گؤزوم چیخسین،
گؤزومده خاک رهین عین توتیا، گئتمه!
طواف کویده سعی یم نئجه اولور حاصیل؟
اونا کی، ذکر لبین وئرمه سه صفا، گئتمه!
خزینه گؤوهری تک اولموسان نهان گؤزدن،
وجودونو ائیله‌ییب محض کیمیا، گئتمه!
رقیب طعنه سی، هیجران غمی اولور موشکول،
بو ناتوانه گؤروب اونلاری روا، گئتمه!