ای دوست!

رقیب تهمتی ائتدی منی جدا، ای دوست!
بو ظلمو گؤردو روا، گؤرمه سین صفا، ای دوست!

اگر کی، تیغ چکیب اؤز الینه اؤلدوره سن،
دئییل منه بو جفا، بیلمه زم جفا، ای دوست!

کناردن باخارام من حقیر حسرتله،
بو یاخشی شیوه دئییل، اولما بیوفا، ای دوست!

رقیبه خوشدور همیشه، منی کنار ائتسین،
فدا او همّتینه، اولما سن رضا، ای دوست!

نه تاب هیجرینه واردیر، نه طاقتیم صبره،
بونون علاجی کی، مومکون دئییل مانا، ای دوست!

سنین بو حوسنونه لایق کی، حیف، عهدین یوخ،
نه قدر سعی ائله دیم، تاپمادیم دوا، ای دوست!

بلی، بو هیجرین ایله من همیشه خوشحالم،
گؤرک کی، نئیلیجک، آخری قضا، ای دوست!

رقیب گؤرمه سین، آللاه، وصال عشرتینی،
او سپدی تخم فراقی، گؤروب روا، ای دوست!

چاغیرام آللاهی حال، ناتوان ایله،
مگر کی، تئز وئره حق دوشمنه جزا، ای دوست!