اوخوجوم، عؤمورلوک شاعر گؤزومده
محبّتدیر ماهنی، حیاتدیر ماهنی.
حاقلیدان حاقلییام من بو سؤزومده،
قانادسیزلارا دا قاناددیر ماهنی.
حیات یوللاریندا، منجه، هامییا
سو، هاوا، چؤرکتک گرکدیر ماهنی.
وطن تورپاغینا جان وئرنلره
ان آغیر جبههده کؤمکدیر ماهنی.
یازیرام، پوزورام، ایللر اوزونو،
جانیم، جیریمدیر، قانیمدیر ماهنیم،
اونسوز بیر گۆنوم ده اولماییب منیم،
عؤمورلوک آدیمدیر، سانیمدیر ماهنیم.
قودوز، قارا یئللر هئچدیر اونونچون،
سرحدلری آشان سؤزومدور ماهنی.
تیکانلی مفتیللر هئچدیر اونونچون،
هارایلارا قوشان اؤزومدور ماهنی.