منو
الله، الله، بو دیلبری-سیم-بر
الله، الله، بو دیلبری-سیم-بر
هان‌سی بختورین جانانه‌سی‌دیر؟
داغیتدی باشیم‌دان عقلو هوشومو،
بو نئجه دریانین دۆردانه‌سی‌دیر؟
هر کیم گؤرسه جامالینی آشیکار،
اختیاری گئدیب اولور بیقرار،
گؤرسن‌می، یارب، هان‌سی دیلفیکار،
بو شمع-رۆخسارین پروانه‌سی‌دیر؟
اؤزو شیرین، سؤزو شهدو شکرریز،
عشوه‌سی دیلروبا، غمزه‌سی خونریز،
یاناغی برگی-گۆل، زۆلفو دیلاویز،
دهانی میرواری خزینه‌سی‌دیر.
خجیل ائتمیش اۆزو شمسی-خاوری،
هلال ائدیب قاشی بدری-انوری،
نه یالقیز ائیلمیش منی-سرسری،
چوخلار مجنون کیمی دیوانه‌سی‌دیر.
یولوم دۆش‌سه خراباتی-خرابه،
دئیرم عرضیمی جامی-شرابه.
نباتییه نئیلر بو بیر قۆرابه،
یئددی دریا اونون پئیمانه‌سی‌دیر.