سنه قوربان، گتیر ساقی

سنه قوربان، گتیر ساقی،
بیرجه پیاله، پیاله.
«قالو بلی»دن‌دیر قیسمت
منه نواله، نواله.

گل، اللها توکّل ائت،
ارنلره توصّل ائت،
حافظه بیر تفال ائت،
گؤر نه گلیر فاله، فاله.

مئیخانه‌لر آباد اولسون،
ساکینلری دیلشاد اولسون،
مسجد گؤروم برباد اولسون!
سالدی منی قاله، قاله.

گل قوی باشه سن بو تاجی،
آلگینن ائلدن خراجی،
یاد ائله شاهی-معراجی،
ویلایتی، آله، آله.

نباتی، غم‌دن بۆکولمه،
برگی-خزان تک تؤکولمه.
دیی سئللر تک سؤکولمه،
چکمه دخی ناله، ناله.