ایشیم، پئشم اود یاندیرماق،
غریب آتشپرست اولدوم!
اؽچدیم سۆدو، چکدیم بنگی،
عجایب شیری-مست اولدوم!
قوی الدن جامی-شرابی،
آت گئتسین چنگو رۆبابی،
تئز اول، چک شیشه کبابی،
من کی، مستی-الست اولدوم.
کئچدیم تمامی-عالمدن،
سلیمان ایله ختامدن،
گویا دئییلدیم آدمدن،
بیر حباب ایدیم، پست اولدوم.
مرحبا کمانا، شسته، بیر تیره،
دوققوز فلکلری تیکدیم بیر-بیره،
رستمی-دستانی ائتدیم بیر-بیره،
گؤر نئجه غریبه زبردست اولدوم.
شیکار ایستر ایکن، دامه دۆشدوم من،
بیر سیاهمست اولوب جامه دۆشدوم من،
نباتی، صبح ایکن شامه دۆشدوم من،
بیر افعی ایلانا پایبست اولدوم.