دیل ایله درویش‌لیک اولماز

دیل ایله درویش‌لیک اولماز،
حالی گرک یول اهلینین.
آریلارین هر چیچک‌دن،
بالی گرک یول اهلینین.

کئچمک گرک دؤرد قاپی‌دان،
قورتولاسان مربّی‌دن،
مربّی‌دن، موصاحیب‌دن
علی گرک یول اهلینین.

من گزرم دردلی-دردلی،
اؤتر فرقت‌لی-فرقت‌لی،
بۆلبول کیمی اۆنو دادلی
دیلی گرک یول اهلینین.

من گزرم آییق-آییق،
دریالاردا اولور قاییق،
بۆلبوللری شاها لاییق،
گۆلو گرک یول اهلینین.

ختاییم دئر: – قوشاق قوشان،
توز اولور ترابا دۆشن،
بودور درویش‌لییه نشان؛
یولو گرک یول اهلینین.