بو آخشام یوخوما گلمیشدین، گۆلوم،
بو دا منیم اۆچون بیر نئعمت ایدی.
اؽندی یوخولاردا منیم گؤردوگوم،
بیر زامان وار ایدی، حقیقت ایدی...
گؤردوم کی، گۆلوستان باغیدیر یئنه،
تبریزین اۆستونه ائنیبدیر آخشام.
گؤردوم کی، اۆزونو توتاراق منه،
دئدین: - گل گئدک، چوخ یورولموشام...
گۆلوستان باغیندان بیرلیکده چؽخدیق،
ساعاتقاباغینا گئتدیک یاناشی.
ارکه محبّتله دایانیب باخدیق،
یادیندا قالیبمی او دربد باشی؟!
اورا چاتان زامان دایاندی بیر آن،
گؤردوم کی، الینی اوزاتدین منه...
حاضیرسان اویانیب قالخدیم یوخودان،
الیم توخوناندا سنین الینه...
باخدیم، اطرافیما یئنه ده سنسیز،
یئنه ده حسرتله قلبیم دؤیوندو.
ائله بیل یئنیجه آیریلمیشدیق بیز،
الینین ایستیسی الیمده ایدی...
او گئجه صۆبحهدک یاتا بیلمهدیم،
اؤتن گۆنلریمی یاشادیم بیر ده.
نه یاخشی سؤیلهییب آتالار، دئدیم:
سئوینج ده بیر یئرده، غم ده بیر یئرده.
عؤمور بیر عالمدیر، آرزو بیر عالم
آرزو منزیلیمه اللریم چاتماز.
نه من او گۆنلره قاییدا بیللم،
نه ده او گۆنلریم گئری قاییتماز.
فقط آزالمامیش اۆمیدیم منیم،
بیر گۆن اللرینه چاتاچاق الیم.
سنین حسرتینله کئچن گۆنلریم
وۆصال گۆنلرینه قوووشار، گۆلوم.
ایون، ۱۹۸۰