منو
مژده کی جانانه گلیر
غیب دن یئتدی بیزه مژده کی جانانه گلیر
ر نازنین زلف پریشانه چکیب شانه گلیر
عزت و شوکت ایله اول بت فرزانه گلیر
قیل تماشا گوزوم اول سرو خرامانه گلیر
توکمگه عاشیقی نین قانینی مردانه گلیر
اولدی مایل گئنه بیر آفت دورانه کونول
آز قالیب شعله چکیب عشق اودونا یانه کونول
جان فدا ایله گیلن اول شه مردانه کونول
باخیبان سئر ائله اول مه تابانه کونول
قیل تماشا گوزوم اول مهر درخشانه گلیر
ایلدی ماه رخی عاشقینی یاد گئنه
اولدو ویرانه کونول مژده دن آباد گئنه
دل اولوب غصه و غمدن بوگون آباد گئنه
باده وصل رخ یارایله دلشاد گئنه
می وحدتدن اولوب گور نئجه مستانه گلیر
روز اول کی گوزوم اول مه تابانه باخیب
گوزونون یاشی ایله دجله‌لر عمانه آخیب
اشکیمین دانه سی گردنینه عقده تاخیب
قدی خجلت اودونا سرو خرامانه یاخیب
اوزی صد طعنه ویریب یوسف کنعانه گلیر
گل بیخار آچیلیب گلشن جان ایچره بوگون
روح تک جلوه ائلیر ملک روان ایچره بوگون
یوخ اونون تک داخی بیر شاه جهان ایچره بوگون
عدل کسرانی قیلیب کسر شهان ایچره بوگون
شوکتی وئردی شکست تخت سلیمانه گلیر
ای خوشا اولدوم کی شهیم عاشیقینی یادقیلا
لطف ایله رحم قیلیب صیدینی آزاد قیلا
ملک ایسلامی ترحم ایله آباد قیلا
دشمنی خار ائدیب دوستلارینی شاد قیلا
تا ذلیل ایلییه کفاری مسلمانه گلیر