صبا یاره یتیرسین

بیر نامه یازدیم باد صبا یاره یتیرسین
شرح غمی اول بوت خونخواره یتیرسین
هجران المی سالدی آیاقدان من زاری
داروی وصالین من بیچاره یتیرسین
صبریم کسیلیب، یار منیم جانیمی آلسین
یا شاد ائله سین وصل ایله دیلداره یئتیرسین
دونیاده و عوقباده گوروم مطلبه یتسین
هر کس منی اول یار وفاداره یتیرسین
بیر یول ورین ای محنت هجران کی پیامیم
تا باد صبا اول گول گولزاره یتیرسین
یوز حسرتیله بو دیل هجرانه گیرفتار
عزم ائتدی اوزون اول گول بی خاره یتیرسین
گل تاری اوچون بونجا سیتم ایله مه اظهار
قوی یاره اوزون بو دیل آواره یتیرسین
بی کس لییمه رحم ائیله سین خالیق بی چون
حیران او شهبازه دیگرباره یتیرسین