صبحه سالدی بو گئجه شمع کیمی قتلیمی هجر

۲۶۵ یئنه اول ماه منیم آلدی قراریم بو گئجه،
چیخاجاق دیر فلکه نالۀ زاریم بو گئجه.
شمع وش محرم بزم ائیله‌میش اول ماه منی،
یاناجاق دیر یئنه هجر اودونا واریم بو گئجه.
هم وصالی ورور اود جانیما، هم هجرانی،
بیر عجب شمع ایله دوشدی سرو کاریم بو گئجه.
نه توتون دور کی، چیخار چرخه دل زاره مگر
هجر داغینی اورور لاله عذاریم بو گئجه؟
صبحه سالدی بو گئجه شمع کیمی قتلیمی هجر،
اولا کیم، صبح گلینجه گله یاریم بو گئجه.
پاره پاره جگریم ایتلرینه نذر اولسون،
اول سر کویه اگر دوشسه گذاریم بو گئجه.
وار ایدی صبح وصالینه، فضولی، امید،
چیخماسا حسرت ایله جان فکاریم بو گئجه.