دهرده همتا سنه

کیمسه ده رخسارینا طاقت نظاره یوخ،
عاشقی اؤلدوردو شوق، بیر نظره چاره یوخ.
باغری بوتون لر منه طعنه ائدرلر مدام،
حالیمی شرح ائتمه یه بیر جگری پاره یوخ.
ییغیدی منیم باشیما دهر غمین، نئیله سین،
بادیۀ عشقده من کیمی آواره یوخ.
دهرده همتا سنه وار پری یوخ دئسم
وار گؤزل چوخ، ولی سن کیمی خونخواره یوخ.
گؤزده گزر جزگینیر قطرۀ اشکیم مدام،
قطرۀ اشکیم کیمی چرخده سیّاره یوخ.
چاک گؤروب کؤکسومو قیلما علاجیم، طبیب،
ضایع اولور مرهمین، منده بیتر یاره یوخ.
زارلیغم عشقده وار، فضولی، ولی،
اول مه بی مهرده رحم من زاره یوخ.