سالدی دریایه صبا

ای خدنگ غمینه سینۀ احباب هدف،
منتظر خنجر مژگانینه جانلار صف صف.
خاک درگاهینه هر صبح سورر گون اوزونو،
غالباً اوندان اونا حاصل اولوبدور بو شرف.
حاش لله کی، بو دیوانۀ شوق خطینه
سبب قید اولا، زنجیر سطور مصحف.
سالدی دریایه صبا خنجر غمزن وهمین
کی، چیخارمایه داخی گوهر ناسفته صدف.
ای کؤنول، عالمه آلدانما، سنه رنگ وئریر،
خاک دیر کیم، اونی گه لعل قیلیر، گاه خزف.
بزم جمشید فنا بولماق ایله بیلدیم کیم،
دور جوروندن ایمیش، نوحۀ نئی، نالۀ دف.
ای فضولی، طلب رتبۀ عرفان ایله،
جهل ایله حاصل اوقات شریف ائتمه تلف.