نازنین دلبر کیمی احبابه قانلار یوددوران

۴۶ ای مصفا شیشۀ جولانۀ فیروزفام،
معدن یاقوت صهبا، گلبن گلبرگ جام!
غنچۀ گلزار حکمت، حقۀ شهد صفا،
درج دُرّ معرفت، معیار ادراک تمام.
پرده دار دختر راز، دایۀ بنت الانب،
محرم سلطان می، مطبوع ابنای گرام
ال دوتوب، دوشموشلری بیر بیر ایاغه دوغروزان،
صرف ائدن وارین کؤنوللر آچماغا هر صبح و شام.
نازنین دلبر کیمی احبابه قانلار یوددوران،
درد ایلن عاشق کیمی قانلار تؤکن گؤزدن مدام.
وه، نه جوهرسن کی، بیلمز هیچ کیم خاصیتین،
عجز اوصافیندا دیر تقصیره قایل عقل تام.
گه گلوب قه قه، تر ائیلرسن دماغین مجلسین،
گه اگیلوب خلقه عذریله قیلیرسان احترام.
نه دعا دیر بیلمزم قولقول دئییب ذکر ائتدیگین
که اول دعانین حرمتین واجب بیلیب دیر خاص وعام.
عقل آلیرسان، جان باغیشلارسان کمال سحرایله،
دیوی سالیب شیشه یه، اودو قیلیرسان سویه رام.
گاه دورماق، گاه اگیلمک، گه ایاغه دوشمه گین،
ظاهر ائیلر گه سجود و گه رکوع و گه قیام.
بیر ریایی زاهده بنزر سلوکین کیم، اولا
دیشراسی تقوا ایلن زیبا، ایچی دولو حرام.
یوخ، یوخ، اطوارین منزّه دیر ریادن، شبهه سیز،
سنده مضمردیر خواص شربت یحیی العظام.
قیلماسینلار طعنه، گر میخانه‌لر سیرایله سن،
سوفی صافی درونسان، زائر بیت الحرام.
العمانت، ای چراغ اهل قدر و اعتبار،
المروّت، ای نظام اهل عزّ و احتشام.
چون صفای نیتین توفیق حسن سیرتین،
قیلدی قربیلن سنی بی خدمتینده شادکام.
اومدوغون سرمنزل مقصودونا باسدین قدم،
کیمسه محرم اولمایان درگاهده دوتدون مقام.
خاطریندن چیخماسین محروم اولان افتاده لر،
تانریچون یادیندا توت گر دوشسه تقریب کلام،
عرضه قیل مندن دعا اول معدن انصافه کیم،
فیض عدلیله پریشان مُلک تاپمیش دیر نظام.
هاریس معمورۀ بغداد، قطب اهل روم،
هامی مُلک هما، مصتحفض سرحد شام،
ویس بی حضرت لری، خورشید اوج اقتدار،
شهریار نیک رأی و نیکبخت و نیکنام.
امر اقبالین مرتب قیلماغا اولموش اونا،
شام بیر هندو کنیزی، صبح بیر رومی غلام.
اول بیری تزیین خلوتگاهینه اقدام ائدیب،
بو بیری ترتیب ایوانینا ائیلر اهتمام.
جامه قیلمیش جم سفارش لر کی، یئتگج بزمینه،
اؤپ الین، اخلاصیمی عرض ائت، یئتیر مندن پیام.
باده یه جمشید امانت یوکلمیش کیم، تانریچون،
گؤرگج اونی دوش ایاغینه، یئتیر مندن سلام.
ای خرامان سرو کیم، تا دوره گلمیش دیر قدح،
گؤرمه‌ییب دیر سن کیمی بیر طرفه سرو خوش خرام.
ساغر خلقین نسیمیندن مصفا دیر دماغ،
بادۀ لطفن شمعمیندن معطردیر مشام.
قاندا کیم، گیردیسه دشمن کام چیخدی جام می،
شکرلله کیم، سنین بزمینده اولدی دوستکام.
اؤزگه‌لر دورونده چوخ قان یوددوروبدور ساغره،
دؤور ظالم وئرمه‌ییب ترتیب اولان بزمه دوام.
دولت جاوید امدادیله فرصت دیر بو گون،
ساغر استعجال ائدیب دوراندان آلسا انتقام.
سرورا، فارغ دئیل سندن فضولی بیر زمان،