گؤر نه سلطانم من درویش کیم، فیض سخن

پادشاه ملک دینار و درم روشوت وئریب،
فتح کشور قیلماغا ائیلر مهیا لشکری.
یوز فساد و فتنه تحریکیله بیر کشور آلیر،
اول دخی آثار امن و استقامتدن بری.
گؤسترن ساعتده دوران فلک بیر انقلاب،
هم اؤزو فانی اولور، هم لشکری، هم کشوری.
گؤر نه سلطانم من درویش کیم، فیض سخن
ائیله‌میش اقبالمی آثار نصرت مظهری.
هر سؤزوم بیر پهلوان دیر کیم، بولوب تأیید حق،
عزم قیلدیقدا توتار تدریج ایله بحر و بری.
قاندا کیم، عزم ائتسه، مرسوم و مواجب ایسته مز،
قانسی ملکو توتسا دگمز کیمسه یه شور و شرعی.
پاییمال ائتمز اونو آسیب دور روزگار،
ائیله مز تاثیر اونا دوران چرخ چنبری.
قیلماسین دنیاده سلطانلار منه تکلیف جود،
بس دورور باشیمدا توفیق قناعت افسری.
هر جهتدن فارغم، عالمده حاشا کیم، اولا
رزق اوچون اهل بقا، اهل فنانین چاکری.