اولسون گؤرییم، محنت هجرانه گرفتار

غم ائیله مرم چرخ آلا سیم و زری مندن،
تک ائیله‌مه سین دور مئی احمری مندن،
جان جوهریدیر، آلمایین اول جوهری مندن،
ای ساقی، دریغ ائتمگیلن ساغری مندن،
بیر جام ایله رفع ایله بو درد سری مندن.

زاهد، توتالیم حشر گونو دوزخییم من،
هاردان گلیبن سن، گؤرک، اولدون بئله ایمن،
سن قوللارایله ربین اداسین نه بیلیرسن،
باکیم نه منیم دوزخین آتشگه ده سیندن،
آلمازسا اگر لوجۀ چشم تری مندن.

کیم دیر او کی، هیچ اولمایا عالمده گناهی،
وار بو قاپی نین من کیمی چوخ رو سیاهی،
هرچند کی، چوخ ائیله‌میشم فعل مناحی،
من آنلادیغیم عفو ایسه، عفو ائیلر ایلاهی،
سورما گنه یم غیردن، آل دفتری مندن.

یوز حیله ایله مکر ائدیب اغیار جفاکار،
مندن او گولو ائیله‌دی لر آخری بیزار،
ایندی کیمه دردیم دئیم، عالمده کیمیم وار؟
اولسون گؤرییم، محنت هجرانه گرفتار
رنجیده ائدن اول بت مه پیکری مندن.