مهرِ جهان آرا اوزون!

ائتدی پنهان زولف ایچینده اول ملک سیما اوزون
گیزله میش ابر ایچره سان، مهرِ جهان آرا اوزون
لیلی ساچلی بیر پری مجنونه دؤندرمیش منی
رحمه گلمز توتسادا، آهیم اودو دونیا اوزون
غرق اولوبدور سیلِ غم ایچره وجودوم اؤیله کیم
بنزه رم من اول حبابه کیم، توتار دریا اوزون
یوز گؤزه ل، اؤز سسئوگیلیمدن باشقا آچماز کؤنلومی
شبهه سیز، مجنونا گوسترسین گرگ لیلا اوزون
یارسیز، گول اوزلو جانان سیز، بوساطِ باده ده
قان اولور کؤنلوم، گؤزوم گورسه، مئیِ حمرا اوزون
یوز کؤنول، مین ناز ایله باخدیقجا قان ائتسین گرک
گؤسترینجه عاشیقه بیر دم گولِ رعنا اوزون
بیر منیم کؤنلوم دئییل دیوانه سی مه رولارین
من کیمی مینلرجه مجنونلار توتوب صحرا اوزون
زولف دن. دیوانه دن دیر هر سؤزون شاعیر یئنه
گؤستره ر بیر گون سنه عارف لر استهزاء اوزون
واحدا، اول بیوفا اغیاره یوزمین لطف ائدر
گؤستره ر امّا منِ مسکینه استغنا اوزون