گوزگو نهایت ده داش اولدو

گوردون گوزه لیم  گوزگو نهایت ده داش اولدو
باشلار ایاق اولماق دا ایاق دوندو باش اولدو
گوزده ن کیمی ائل آتدی  گئدیب غیره ال اولجاق
گوزده ن نه فقط دوشمه دی  گوز اوسته قاش اولدو
ایل لر بویو گوددوک قورویان آرخا سوگلسین
سو گلمه دی آنجاق کی گولوف لرده یاش اولدو
قارداش  قاراداش دان آشاقی  بولگو  بولنده
قانلی دویوشون حان بازاریندا داداش اولدو
بیر سورمه لی گوز قالمیش ایدی پاخلا گوزون ده
گوز دگدی اوبیچاره یه  گوز چیخدی ماش اولدو
ایش دوندو چراغ سوندو سماده ن قیر الندی
اول گون کی قویون قوردولا (عاصم )هاماش اولدو