منو
بی‌وفالار بیرله من نئچون اولوردوم آشینا؟
بی‌وفالار بیرله من نئچون اولوردوم آشینا؟
وه بولاردان کاشکی اوّلدن اولایدیم جدا!
ای کؤنول! خوبلار غمیله گرچه پیر اولدوم، ولی
اول جوانا مین منیم تک ناتوان اولسون فدا.
کؤنلومه عشقین گلیب داغلادی عقلیم لشکری،
شاه من! سیغماز بلی بیر شهره ایکی پادشا.
خاندا کیم خوناب دل تؤکر بو موژگانيم منیم،
لاجرم خاشاک محنت لن بیتر خار جفا.
باش گؤتوردو، گئتدی بو عشقین بلاسیندان کؤنول،
سختی درد و غمین قیلدی اونو مندن جدا.
توبه وئردی چشم مخموریله بیر بوت منه، کیم
گلمیه بو دیلیمه هرگز حدیث پارسا.
مسجد و میخانه‌ده موجود آیدیرلار سنی،
بس نه‌دیر صوفی ایله رند ایچره دائیم ماجرا؟
ائشیگیندن مست اولوب روسوا چیخایدیم خلق آرا.
یئنی بای اولموش گدالار تک اولایدیم خودنما.
چون غریبی حوسنونون عئیدینه قورباندیر، یقین،
بیر بقایا وصل اولوبدور کیم اونا ایرمز فنا.
وه بولاردان کاشکی اوّلدن اولایدیم جدا!
ای کؤنول! خوبلار غمیله گرچه پیر اولدوم، ولی
اول جوانا مین منیم تک ناتوان اولسون فدا.
کؤنلومه عشقین گلیب داغلادی عقلیم لشکری،
شاه من! سیغماز بلی بیر شهره ایکی پادشا.
خاندا کیم خوناب دل تؤکر بو موژگانيم منیم،
لاجرم خاشاک محنت لن بیتر خار جفا.
باش گؤتوردو، گئتدی بو عشقین بلاسیندان کؤنول،
سختی درد و غمین قیلدی اونو مندن جدا.
توبه وئردی چشم مخموریله بیر بوت منه، کیم
گلمیه بو دیلیمه هرگز حدیث پارسا.
مسجد و میخانه‌ده موجود آیدیرلار سنی،
بس نه‌دیر صوفی ایله رند ایچره دائیم ماجرا؟
ائشیگیندن مست اولوب روسوا چیخایدیم خلق آرا.
یئنی بای اولموش گدالار تک اولایدیم خودنما.
چون غریبی حوسنونون عئیدینه قورباندیر، یقین،
بیر بقایا وصل اولوبدور کیم اونا ایرمز فنا.