اوف، نه یاماندیر سۆزگون باخیشلار،
آی ایپک تاللری زرافشان گلین!..
هر کس گۆلر، هر کس سنی آلقیشلار،
یالنیز منیم حالیم پریشان، گلین!
گئتمه، دور، کؤنولده مین حسرتیم وار،
سؤیلنهجک دردیم، فلاکتیم وار،
سندن سنه گیزلی شیکایتیم وار،
ای ملک ادالی، خورامان گلین!
نهدیر سوچوم، مندن اوزاق قاچیرسان،
یابانچی ائللره شنلیک ساچیرسان،
رؤیا کیمی سۆزولورسن، اوچورسان،
بیلمزسن کی، باغریم اولور قان، گلین!
نه سؤیلهییم! حالیم عیاندیر سانا؛
سن بیر یانا، بۆتون دۆنیا بیر یانا.
سنسیز گۆلوستانلار زینداندیر مانا،
ای جنّتدن بیزه ارمغان گلین!..