ایچیدیم بیر شراب ناب عشقی
گؤزون تک کاسهی پیمانهلرده
منه زیبا پرستلیک عادت اولدو
گؤزوم قالدی رخ جانانهلرده
هوشوم باشدان چیخیر قالمیر قراریم
قارا زلفون گؤرنده شانهلرده
اگر مجنون عشق اولسان منیم تک
بیلردین وار نه حال دیوانهلرده
من اوندا مست عشقم گل دانیشدیر
سوراغیم دوتگیلان میخانهلرده
عزیزلیکده منی کاش بیر گؤریدین
الان بیر بایقوشام ویرانهلرده
خرابه گوشهسینده وار بیر عالم
کی یوخدور مجلس شاهانهلرده
منیم سن منبع الهامیم اولسان
آدیم دائیم قالار افسانهلرده
اوخوردی جعفری شعر آغلاشیردی
نه بیر ایشگینلری بیگانه لرده